Duela zenbait urtetik hona Hnos. Larrinaga Zentroan ESTILISMO SAIOAK burutzen dira, eta bertan, ikasketak amaitzear dauden ikasleek, Erresuma Batuko III. Maila Titulazioa (Goi Maila) lortu ahal izateko ahalmen tekniko gorenak frogatu behar dituzte benetazko modelo baten look-a guztiz aldatuz. Look aldaketa honek, modeloaren ezaugari fisikoak kontutan hartuta, kolore aldaketa baten zuzendaritza tekniko osoa, argazkilaritzarako ile mozketa eta makilaje bat suposatzen du.

20 urte baino gehiago daramagu Larrinaga anaien eskolan, kurtso amaiera bezala, ESTETIKA ETA ILE ORRAZKETAREN JAIALDIA prestatzen. Bertan, geure ikasleek ikasitako teknikarik berrienak aurkezten dizkigute amaierako MODELOEN DESFILE APARTA batean:

Modako orrazketa eta ile mozketak

Gaueko eta festetarako makillajeak

Gau, festa eta fantasiazko ile orrazkerak

Gorputz osoko fantasia makillajea

NAZIOARTEKO LOOK 2006 LEHIAKETA. VI. GAZTE PROMESEN GALA Urtero Madrilen “Interlook” Ile-apainketa eta estetika azoka burutzen da, eta bertan moda inguruko egungo joerak eta ile-apainketa zein estetikarako gailuen azken berrikuntza teknologikoak aurkezten dira. Duela 7 urte hasita, azoka honetan bertan eta ATME Fundazioaren bidez (Arte eta Tekniken Munduko Erakundea), ile-apainketa eta estetika ikasleentzat GAZTE PROMESEN GALA burutzen da. Bertan, gure ikasleek eskenatokian bertan eta ZUZENEAN honako lan hauek burutzen dituzte:

Jaietarako eta fantasia orrazketak

Gorputz Fantasia makilajeak